वीरेन्द्रनगरमा फोर्सले अटोलाई ठक्कर दिदाँ एक घाइते
फोर्स गाडी चालक फरार
सुर्खेत : सुर्खेतको वीरेन्द्रनगरमा मंगलबार फोर्स गाडीले अटोलाई ठक्कर दिँदा एक जना घाइते भएका छन् ।
मंगलबार बिहान साढे १० बजेको समयमा वीरेन्द्रनगर नगरपालिका ११ धुलियाबिट स्थित सुर्खेतबाट नेपालगंज तर्फ जाँदै गरेको भे १ ज १०३२ नम्बरको फोर्स गाडीले विपरित दिशाबाट आउँदै गरेको भे १ ह २६७३ नम्बरको अटोलाई ठक्कर दिएको प्रहरीले जनाएको छ ।
प्रहरीका अनुसार घाइते अटो चालक चौकुने गाँउपालिका ८ बस्ने बर्ष अन्दाजी ४० को दलसिंह गाहामगर टाउकोमा चोट लागि माया नर्सिङ होम सुर्खेतमा उपचार भईरहेको जनाएको छ ।
हाल घाइते अटो चालक दलसिँहको अवस्था सामान्य रहेको छ भने दुवै सवारी साधन नियन्त्रण लगिएको प्रहरीले जनाएको छ । साथै फोर्स गाडी चालक फरार रहेकाले उनको खोजतलास कार्य जारी रहेको प्रहरीको भनाई रहेको छ ।
