अमर ज्योतिले जित्यो दोस्रो अखिल आरआर कपको उपाधि

काठमाडौँ । दोस्रो‘अखिल आरआर भलिबल कप–२०८१’को उपाधि अमर ज्योति क्याम्पस नुवाकोटले जितेको छ । बानेश्वर क्याम्पसलाई ३–० को सोझो सेटमा पराजित गर्दै अमर ज्योतिले उपाधि उचालेको हो । विजेता अमर ज्योतिले २ लाख नगदसहित प्रमाणपत्र, मेडल र ट्रफि हात पारेको छ । फाइनलमा पराजित भएको बानेश्वर क्याम्पसले नगद १ लाखसहित प्रमाणपत्र, मेडल र ट्रफि पाएको छ । प्रतियोगितामा तेस्रो स्थान हासिल गरेको आरआर बिले नगद ५० हजार र प्रमाणपत्र, मेडल र ट्रफि प्राप्त गरेको छ । अनेरास्ववियु आरआर क्याम्पसका अध्यक्ष लोकेश खड्कासहितका व्यक्तिहरूले विजेता टिमहरूलाई पुरस्कारसहित सम्मान गरेका हुन् । अन्तर क्याम्पस र जिल्ला राष्ट्रिय स्तरको खुल्ला भलिबल प्रतियोगिता भदौ २६ देखि सुरु भएको थियो । प्रतियोगितामा २० वटा टिम सहभागी भएका थिए ।