वेष्ट इन्डिजविरुद्ध भारतको क्लिन स्विप
काठमाडौं– घरेलु टोली वेस्ट इन्डिजलाई तेस्रो खेलमा समेत पराजित गर्दै भ्रमण टोली भारतले तीन एकदिवसीय खेलको श्रृंखलामा क्लिन स्विप गरेको छ ।
बुधबार राति भएको खेलमा वेष्ट इन्डिजलाई वर्षाका कारण खेल हुन नसकेपछि लुइस डकवर्थ पद्धतीमा ११९ रनले हराउँदै भारतले तीन एक दिवसीय खेलको शृंखला ३(० ले क्लिनस्विप गरेको हो ।
वर्षाका कारण खेल ३६ ओभरमा घटाइएको थियो । टस जितेर ब्याटिङ रोजेको भारतले निर्धारित ३६ ओभरमा तीन विकेट क्षतीमा २२५ रनको योगफल तयार पा¥यो ।
भारतका ओपनर सुभमन गिलले अविजित ९८ रन जोडे । यस्तै, शिखर धवनले ५८ र श्रेयसले ४४ रन जोडे ।
तर, वेस्ट इन्डिजले ब्याटिङ सुरु गर्न अघि पुनः वर्षाले खेल प्रभावित भएको थियो । जसका कारण वेस्ट इन्डिजले २६ ओभरमा २५७ रनको लक्ष्य पायो ।
वेस्ट इन्डिज २६ ओभरमा मात्र १३७ रनमा अलआउट भयो । वेस्ट इन्डिजका लागि ब्रान्डोन किंग र निकोलास पुरनले समान ४२ रन जोडे ।
भारतका युजबेन्दर चाहलले ४ तथा श्रदुल ठाकुर र मोहम्मद सिराजले समान दुई विकेट लिएका थिए ।
अघिल्ला दुई खेलमा भारतले क्रमशः २ विकेट र ३ रनको जित हात पारेको थियो ।
