नेपालमा यतिबेला आमसञ्चारका माध्यमको संख्या बढेको छ । हामी पनि यसमा थपिन आइपुगेका छौं । हामी अर्थात् खुला भ्वाइस मिडिया नेटवर्क । हामीले हाललाई खुला भ्वाइस अनलाइन पत्रिका चलाइरहेका छौँ यो त प्रारम्भ हो । हाम्रो लक्ष्य रेडियो संचालन गर्नेसम्मकाे छ । अहिले हामी खुला भ्वाइस अनलाइन मार्फत तपाईं समक्ष उपस्थित छौं ।
खुला भ्वाइसमा हामी खोजमूलक र घटनासँग सम्बन्धित विषयवस्तु सम्प्रेषण गर्छौं । आम नागरिकसँग प्रत्यक्ष सरोकार राख्ने विषयवस्तु उजागर गर्न सदा तत्पर रहने छौं । खुला भ्वाइसले राज्यका हरेक तहका लुकाइएका तथा लुकाउन खोजिएका सूचना सहज र सरल ढङ्गबाट नागरिकका लागि सम्प्रेरषण गर्ने छ । खुला भ्वाइसले जनप्रतिनिधिलाई नागरिकप्रति उत्तरदायी बनाउने लक्ष्य लिएको छ । सुशासन र पादर्शिताका विषयमा तीन वटै तहका सरकारलाई खबरदारी गर्ने छ। राम्रा काममा उनीहरूसँग हातेमालो गर्न कत्ति पनि पछि पर्ने छैन ।
खुला भ्वाइस ले पस्कने सामग्रीमा दलीय संकीणर्ता हुनेछैन। दलभन्दा राज्य र नागरिक हाम्रा प्राथमिकतामा रहने छन् । यो हाम्रो मान्यता हाे ।
ताजा समाचार
