काठमाडौँ । फोटो पत्रकार प्रकाश चन्द्र तिमिल्सेनाले ‘बारपाक फोटो प्रदर्शनी–२०२५’ को आयोजना गरेका छन् ।

बिहीबार काठमाडौँको नेपाल टुरिजम बोर्डमा पत्रकार तिमिल्सेनाले उक्त फोटो प्रदर्शनीको आयोजना गरेका हुन् ।

वि.सं २०७२ मा गएको ७.६ म्याग्निच्युडको भूकम्पले नेपाललाई तहसनहस पारेको थियो । मध्य नेपालको बारपाक गाउँमा केन्द्रबिन्दु रहेको भूकम्पमा करिब ९,००० जनाले ज्यान गुमाएका थिए भने २२,००० भन्दा बढी घाइते भएका थिए । उक्त महाविपत्तिले २८ लाख नेपालीलाई घरबारविहीन बनाउनुका साथै भौतिक पूर्वाधार, विकास परियोजना र सडकलगायतमा व्यापक क्षति पु¥याएको थियो ।

नेपालका अन्य जिल्लाहरू जस्तै, बारपाकमा पनि पुनर्निर्माण सम्पन्न भएको छ । तर त्यस गाउँको विशिष्ट पहिचानको अभिन्न अंग मानिने परम्परागत ढुङ्गाका घरहरू अब बाकिँ छैनन् । नयाँ बस्तीहरू कंक्रिट र जस्तापाताबाट बनेका छन् ।