काठमाडौँ । राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ सम्बन्धी विधायन व्यवस्थापन समितिको प्रतिवेदन राष्ट्रिय सभामा पेस गरिएको छ ।

शुक्रवार बसेको राष्ट्रिय सभा बैठकमा समितिकी सभापति तुलसाकुमारी दाहालले सो प्रतिवेदन पेस गरेका हुन् ।

सो विधेयक उपर २९ जना सांसदहरूले ७१ वटा बुँदामा संशोधन प्रस्ताव दर्ता गराएका थिए । त्यस उपर विज्ञ र सरोकारवाला निकायहरूसँग पनि छलफल गरेर प्रतिवेदन तयार परिएको पनि समितिकी सभापति दाहालले बताए ।

प्रस्तुत विधेयकले विधि विज्ञान सम्बन्धी अध्ययन अनुसन्धान परीक्षणलाई प्रभावकारी र विश्वसनीय, विशिष्टीकृत बनाउन राष्ट्रिय विधि विज्ञान प्रयोगशाला स्थापना र सञ्चालन गर्ने उद्देश्य लिएको पनि उनले बताए ।